Esta actividade intégrase na programación de obradoiros de lactancia materna que organiza o Concello os días 15 de cada mes no Centro Municipal de Promoción da Saúde
A Asociación de Pais e Nais de Nenos e Nenas Prematuros (Aprem) e a Concellería de Saúde uníronse á celebración do Día Mundial da Prematuridade cun obradoiro sobre "Como afrontar o nacemento dun neno prematuro e o aleitamento", que se desenvolveu no Centro Municipal de Promoción da Saúde.
Esta actividade intégrase na programación de obradoiros de lactancia materna que organiza o Concello os días 15 de cada mes neste recinto.
Todos os 17 de novembro conmemórase o Día Internacional do Neno Prematuro, e Nacións Unidas, a Organización Mundial da Saúde, a Fundación Europea para o Coidado dos Prematuros, institucións e asociacións de pais e nais de nenos prematuros de España e Europa unen as súas voces para concienciar sobre o incremento de nacementos na gran maioría dos países.
