Os axentes realizaron 40 operativos na provincia e tramitaron tres denuncias
A Policía Autonómica realizou 112 dispositivos nun total de 44 concellos galegos para comprobar que se cumprían as medidas adoptadas polas autoridades sanitarias debido ao coronavirus. Nos máis de cen dispositivos realizados, os axentes tramitaron 38 denuncias e identificaron a máis de 1.100 persoas.
Na provincia de Ourense, os axentes realizaron 40 operativos nos que procederon a identificar a 425 persoas, tramitando tres denuncias.
Os controis realizáronse nos concellos de Allariz, A Arnoia, Barbadás, Beariz, Carballeda de Avia, O Carballiño, Coles, Entrimo, Gomesende, Maside, Ourense, Pereiro de Aguiar, A Peroxa, Ramirás, Verín, Vilar de Barrio e Xinzo de Limia.
