O PSOE da localidade ourensana do Irixo presentou un escrito no Concello no que solicita 'a inmediata convocatoria' do pleno ordinario correspondente ao mes de febreiro, tal e como quedou establecido ao comezo da lexislatura'.
O voceiro dos socialistas neste municipio, Javier Rodríguez, ameaza con que, 'de non cumprir a lei', remitirá a documentación pertinente á Fiscalía Provincial 'para que se tomen as medidas oportunas'.
'Ao alcalde fáltalle valentía para afrontar ante os veciños as súas decisións respecto da incineradora nun pleno onde por fin se ía debater esta cuestión', subliña o edil, a través dun comunicado no que cualifica de 'vergoña' que, 'para suspender o pleno', o rexedor 'se escude' na redacción dos presupostos e na previsión 'de supostos incidentes'.
'Ao alcalde fáltalle valentía para afrontar ante os veciños as súas decisións respecto da incineradora nun pleno onde por fin se ía debater esta cuestión', subliña o edil, a través dun comunicado no que cualifica de 'vergoña' que, 'para suspender o pleno', o rexedor 'se escude' na redacción dos presupostos e na previsión 'de supostos incidentes'.
