O portal dixital Weekendesk.es, elixiu a o concello de O Grove como o sitio preferido dos galegos para as escapadas de fin de semana. As zonas termais de Ourense son outro dos atractivos para os días de ocio.
O Concello do Grove é o preferido para as escapadas de fin de semana en Galicia, segundo indicou o portal web de escapadas temáticas Weekendesk.es. De feito, nos últimos seis meses, esta localidade acumulou o 23 por cento das reservas de viaxes curtas, seguida por Santiago e A Coruña. Ademáis, outro dos sitios galegos con máis afluencia de turistas foi a zona do casco histórico de Ourense xunto cas zonas termais.
Nesta liña, por provincias, a máis visitada é A Coruña, cun 38 por cento das reservas realizadas na páxina web. Ségueno Pontevedra, cun 35 por cento; Lugo, cun 16 por cento; e Ourense, cun 10 por cento. Concretamente, os lugares máis turísticos foron as Rías Baixas, as Illas Cíes, e a zona termal de Ourense.
Ademais, o 51 por cento das estanzas breves en Galicia inclúen algunha opción de relaxación, spa ou masaxes e tratamentos. Non obstante, as citas románticas e gastronómicas tamén supoñen unha alta porcentaxe das reservas, para as que os hoteis preferidos son os da illa da Toxa (Pontevedra).
Así mesmo, os turistas que máis visitas breves realizan a Galicia proceden de Castilla e León, que acumula un 16 por cento das escapadas; Madrid, os visitantes do cal supoñen o 11 por cento; e Asturias, que supón un dez por cento.
Mentres, o 60 por cento dos galegos realizan viaxes dentro da comunidade as fins de semana e, á hora de viaxar fóra dela, os seus destinos favoritos son Asturias, o norte de Portugal e Castilla e León.
