Este xoves tiña lugar, na Mancomunidade Voluntaria de Municipios da Comarca de Ourense, en Paderne de Allariz, o acto de inauguración do obradoiro de emprego Terra de Mosteiros 2022.
Subvencionado pola Consellería de Promoción de Emprego e Igualdade e promovido pola Mancomunidade, participarán en dito obradoiro dual os concellos de Parada de Sil, Esgos, Paderne de Allariz, San Cibrao das Viñas, Nogueira de Ramuín, Xunqueira de Ambía, Xunqueira de Espadanedo e Pereiro de Aguiar, proporcionando emprego, formación e aprendizaxe a 20 alumnos destes 8 concellos cun contrato de un ano de duración.
Os novos alumnos formaranse nas especialidades de forestal e albanelería.
Poñendo en marcha este novo obradoiro dual de Terra de Mosteiro, onte 29 de setembro, asistiron ao acto de inauguración do mesmo o Xefe Territorial da Conselleria de Promoción do Emprego e Igualdade, Yago Borrajo Sánchez, o presidente da Mancomunidade, José Antonio Blanco Pérez, e representantes políticos de todos os concellos participantes xunto aos alumnos que durante un ano compartirán este obradoiro aproveitando ditas aprendizaxes.
