O Concello repartirá 1.500 euros entre os que estudan Bacharelato, FP e universidade
Todos os estudantes de Bacharelato, ciclos formativos de grao medio e superior e universitarios do Campus de Ourense empadroados en Toén poderán percibir axudas para o transporte que empregan para completar os seus estudos.
O Concello vén de abrir o prazo de solicitude da liña de subvencións que xa aplicou os últimos anos, que será entregada a todos os que o soliciten. Só terá que ser menores de 30 anos e teñen que estar matriculados en, alomenos, o 50% das materias do curso escolar de Bacharelato, FP ou grao.
O municipio de Toén reserva un total de 1.500 euros para repartir entre os solicitantes que cumpran os requisitos, e repartirase de forma proporcional tendo en conta a parroquia de orixe desde a que se despracen ata ao seu centro de estudos.
Así, o Concello elaborou unha táboa de tarifas de ida e volta desde cada parroquia ata Ourense, que se terán que aplicar ao 172 días lectivas do curso. Estas cifras varías desde os 2,80 euros estipulados en Puga, Feá ou Alongos, ata os 4 euros de Larelle e Trelle e os 4,50 euros de Xestos.
Por outra banda, Toén mobilizará ata 7.500 euros en subvencións con cargo ao orzamento para as asociacións de veciños e outras entidades sen ánimo de lucro do concello. O goberno local abriu tamén o prazo neste caso para presentar as solicitudes para unhas axudas nas que ningunha das entidades poderá percibir en ningún caso máis de 700 euros.
