Cando Benito Fernández chega ó Río Grande, os responsables das misións levaban anos sufrindo salvaxes incursións por parte dos indíxenas que residían en pequenas comunidades illadas, coidándose tamén das ameazas doutras comunidades residentes na zona.
O ambiente que se respiraba era a todas luces salvaxe, tanto por parte das colonias alí asentadas como por parte dos colonos que ían á procura das terras, amparados por bandas de soldados se cadra máis salvaxes aínda cós apaches, os comanches e o resto de poboadores.
Nese contexto é no que ten lugar a redacción do memoria de Fernández de Santa Ana, no que resume os feitos que conduciron ó tratado de paz de 1749, logo de conseguir un cambio de actitude por parte dos militares que desde 1718 viñan intentando “reducir las depredaciones apaches en los asentamientos españoles mediante incursiones de represalia y toma de cautivos”.
Un contexto que describe de forma diáfana o documento “la apachería en el siglo XVIII”, por onde transitan protagonistas tan singulares coma o xefe apache “Cabellos Colorados”, quen daquela campaba ás súas anchas polas beiras do Río Grande, ata que o 11 de decembro de 1737, “soldados españoles al mando del capitán Urrutia capturan al jefe apache lipán, Cabellos Colorados y a otros 14 acampados. Poco se sabe de Cabellos Colorados, pero apareció en los registros españoles cuando su banda capturó a dos ciudadanos, robó los caballos de la Misión de San Francisco de la Espada y mató a nativos de las misiones de San Juan Capistrano y Nuestra Señora de la Concepción”.
Ora ben, se algún episodio é descritivo ás claras desta irracional e común violencia, este é o da captura dunha muller por parte dos indios apaches, en 1751, nas inmediacións de Chihuahua. Di así: “Al día siguiente un grupo fue a recoger el cuerpo de la mujer y la encontraron desnuda del todo, quitada la cabellera como es uso y costumbre en ellos, en el corazón un flechazo, por la parte donde le metieron la lanza, que fue la espalda, le sacaron las tripas y se las enrerdaron en las piernas. La mujer sufrió vejaciones que los apaches acostumbraban a hacer con los cuerpos de sus enemigos muertos en batalla”.
Con só un parágrafo así resulta máis doado valorar o mérito que tiveron xentes como Fernández de Santa Ana cando se adentraron en lugares tan ignotos.
