A conta "Por un contido infantil e xuvenil na TVG" solicita unha canle 24 horas con contidos actuais en galego
Fai 26 anos nacía en Galicia un dos emblemas da infancia de miles de galegos: o Xabarín Club. O programa infantil acompañou as tardes dos nenos galegos dende 1994 cos debuxos animados de moda. Este ano, cando se cumpren 26 anos do seu nacemento, xurdiu unha iniciativa en Twitter que pide a reposición de contidos audiovisuais infantís en galego. "Por un contido infantil e xuvenil na TVG" reclama unha canle 24 horas para que as novas xeracións teñan a oportunidade de crecer aprendendo galego.
Houbo un tempo nos que os nenos ían correndo á tele a poñer a @TVGalicia para poñer @Xabarin_club. Moitos falaban castelán, poucos tiñan o 50% legal das materias en galego, mais ningún medrou sen coñecer a lingua propia. Hoxe o bo manexo do galego é un obxectivo lonxano
— Por un contido infantil e xuvenil na TVG (@tvg_infantil_xa) September 3, 2020
A iniciativa, que naceu este mes de setembro, conta con moito apoio en redes sociais, xa que son moitos os galegos os que ven con bos ollos unha canle de debuxos en galego. Neste senso, piden tanto a reposición de contidos como a tradución de debuxos actuais para os máis pequenos.
Xente que di que o que pedimos xa o hai,que botan debuxos na @TVGalicia tódolos días.Que esta xente probe a poñer calquera debuxo de moda en ruso a un neno e calquera debuxo do #XabarínClub a ver cal elixe.Nada é sinxelo, esta petición tampouco.Non hai que fiar fino para entender
— Por un contido infantil e xuvenil na TVG (@tvg_infantil_xa) September 18, 2020
Unha iniciativa da que se fixo eco a Mesa pola Normalización Lingüística, que levará ao Parlamento a proposta de crear unha canle televisiva con contido infantil en galego. O documento conta con máis de 8.000 asinantes.
O #XabarínClub foi esencial para que a mocidade gozara dos debuxos en galego.
— A Mesa Normalización Lingüística (@amesanl) September 13, 2020
As crianzas de hoxe tamén deber ter posibilidade de gozar dunha programación completa en galego.
Asina e chía!https://t.co/35Zxydj9pc pic.twitter.com/RN0v0hKW6m
