O léxico galego garda centos de palabras que todo o mundo debería empregar e que soan moito mellor na lingua de Rosalía. Palabras tan nosas como riquiño, ou sentimentos que só os galegos comprendemos á perfección como a morriña.
- Arroutada: acción nada premeditada e pouco sensata.
- Fozar: unha palabra que vai máis aló de remexer. Trátase de desordenar ou guichar onde non se debe.
- Riquiño: unha desas palabras que os galegos poñemos de moda aló por onde imos. En Galicia nada é adorable e todo é riquiño. Tamén se emprega para falar de alguén que non é nin guapo, nin feo, simplemente é riquiño.
- Xeitoso / Feitiño: similar a riquiño.
- Enxebre: vocábulo empregado para falar de algo moi puro ou auténtico, da terriña.
- Agarimo: cariño ou afecto.
- Ledicia: denota xúbilo o alegría.
- Garatuxa: un termo agarimoso tanto en significado como en dicción. Trátase dunha caricia afectuosa.
- Aperta / bico / quérote: o pack de palabras que sona moito mellor na lingua de Rosalía.
- Aloumiño: caricia particular, pasando a nosa man polo pelo de alguén.
- Chosco: da igual si padeces de miopía ou astigmatismo, en Galicia o que estás é chosco.
- Rabudo: termo que utilizamos os galegos para referirnos a alguén moi terco ou malhumorado.
- Morriña / Saudade : dous vocábulos que aínda que queira empregar todo o mundo, só os galegos entendemos á perfección. A morriña é esa sensación que nos invade ao deixar atrás a nosa terra, e saudade é un sentimento de melancolía por algo xa vivido.
- Trapallada / Chafallada: designa unha chapuza, algo feito sen ganas e con ningún coidado.
- Petisco : un pincho galego.
- Afouteza: "Ensinémoslle ao mundo o significado de afouteza", foi o lema empregado nas campañas do Celta de Vigo. Trátase da "disposición do espírito que leva a acometer calquera empresa sen temor aos perigos"
- Troula / Esmorga: os galegos no saímos de festa, senón que imos de troula ou esmorga.
- Larpeirada: comida doce.
- Avelaíña: bolboreta nocturna, que ademais é símbolo de superstición. Di a tradición, se vemos unha avelaíña negra, isto quere dicir que unha alma en pena reclama a nosa axuda.
- Lareira: di a RAG, " pedra plana situada a pouca altura do chan, onde se fai o lumes para cociñar
- Meigallo: un feitizo a mans das meigas.
- Axóuxere: xoguete para entreter aos máis pequenos.
- Preguiza: desidia ou falta de ganas.
- Anainar : acción de arrolar a un neno
- Aquelar : nin a Real Academia Galega é quen de establecer límites do termo aquelar. Trátase dun vocábulo de sentido moi vago e que se utiliza cando non podemos atopar a palabra adecuado.
- Luscofusco: aquel momento do día no que a luz vai desaparecendo e percibimos as primeiras sombras.
- Ruliña: apelativo cariñoso profundamente arraigado á tradición galega.
- Luar: luz do sol reflectida pola lúa, ou tamén o programa de entretemento máis lonxevo da televisión galega.
