Once destinos e múltiples experiencias ofertadas polo Servizo de Deportes
Trátase dunha das actividades deportivas máis agardadas cada curso polos amantes das andainas e do sendeirismo. O Servizo de Deportes da Universidade presenta unha nova edición das Rutas Culturais ofertando ata once diferentes das que cinco ou son novidades ou modificacións de anteriores.
A inscrición é novamente on-line por medio de www.deporxest.uvigo.es como na pasada edición, pero conta como principal novidade co feito de poder inscribirse a cada ruta dende quince días antes da súa celebración e ata o xoves anterior á mesma. Os interesados poderán adquirir abonos para 4, 8 ou as 11 rutas e o prezo aínda está por determinar polo Servizo de Deportes.
A primeira ruta será o 24 de outubro, a Ruta do Ribeiro-Pena Corneira, de dificultade media-alta e de 20 km. A Universidade de Vigo donará seis euros de cada un dos participantes nesta ruta a Cruz Vermella.
Ademais desta primeira ruta destacan a Ruta das Médulas e a de Fragas do Río Eume pola súa extrema beleza. Súmanse ademais outras rutas novas como FRagas e Levadas do Calvo e Deva, Ruta do Parque botánico de Ourense-Magosto e Ruta histórica de Mos, que se suman ás xa afianzadas ata sumar once propostas deportivas e culturais.n
