VALDEORRAS

A Banda de Gaitas de Xinzo estará na final do Certame Celtibérico

A agrupación limiá encabeza a clasificación do segundo grao logo de obter a victoria e situarse na primeira posición nas dúas fases anteriores

A Banda de Gaitas "B" de Xinzo de Limia, formada por nenos e nenas de entre oito e 12 anos, atópase preparando a súa intervención na fase final da terceira edición do Certame Celtibérico de Bandas de Gaitas que terá lugar en Manzaneda durante a última fin de semana do mes de xullo. 

A agrupación limiá encabeza a clasificación do segundo grao logo de obter a victoria e situarse na primeira posición nas dúas fases anteriores que se desenvolveron na localidade lucense de Quiroga, o pasado 31 de marzo, e en Ribadavia, o pasado 28 de abril. 

Por outra banda, e antes de que teña lugar a gran final, a banda da capital da Limia celebrará o seu festival de fin de curso o vindeiro xoves, día 14 de xuño. O acto, que comezará ás 20,00 horas, terá lugar na sede da Escola Municipal de Gaitas e Percusión -na rúa Lepanto, 3-, e nel participarán todas as seccións.n 

Te puede interesar