ACTIVIDADES DE VERANO

Dous grupos inauguran a Música de Sofá no Carballiño

"Música de Sofá" forma parte do programa musical previo á Festa do Pulpo, do próximo 14 de agosto.

Hoxe comezan no Carballiño as xornadas de “Música de Sofá” co grupo de jazz, Portulego Quartet, ás 19,15 horas, na rúa Rosalía de Castro, seguido por Böj, un grupo de folk irlandés e escocés, na rúa Aldara, ás 20,45. O xoves estará Groovy Killers na rúa Curros Enríquez, ás 19,00 horas; o grupo de reggae vigués, Elephants Yard Live Dub, ás 20,45 na praza Aquilino Sánchez, e Transilvanians, ás 23,30 na Praza Maior. 

"Música de Sofá" forma parte do programa musical previo á Festa do Pulpo, do próximo 14 de agosto. As actuacións continuarán o día 5 co grupo de música popular e pandereteiras, Coribantes; o sábado 6, no Auditorio, celebrarase a XXIII edición do Festival de Habaneras, ás 20,30 horas; e ás 23,30, na Praza Maior, rememorarase o espírito dos anos 60 e 70 con Renegados e 33RPM. O 7 de agosto actuará a orquestra Gallaecia Big Band; e a música de The Beatles volverá a soar na Praza Maior, o día 10, co grupo  The Henderson; e o 11, o Festival Internacional de Folclore e o grupo tributo de ABBA.

Te puede interesar