TEATROV

O público da MIT premia as obras A.K.A. e Jauría

Os organizadores avanzan que "a MIT afronta retos futuros co aumento da recadación de venda de entradas e a consecución de máis recursos".

Os espectáculos "A.K.A." (Also Known As), de Cataluña, e "Jauría", dos madrileños Kamikaze, obtiveron simultáneamente a maior puntuación do público que acudiu á Mostra Internacional de Teatro (MIT), que se desenvolveu en Ribadavia entre os días 18 e 27 do presente mes de xullo. Según a organización do festival, "a estrea en Galicia destes dous espectáculos non defraudou, e o excepcional nivel interpretativo de Albert Salazar en A.K.A. aumenta o palmarés deste fenómeno teatral de pequeno formato que se puido ver na Igrexa da Madalena".

Por outra banda, destacan que "Kamikaze, na liña do teatro documento, encheu o Auditorio do Castelo e recibiu un gran aplauso por Jauría, espectáculo creado a partir do auto xudicial do caso de La Manada", compartindo deste xeito o primeiro posto con A.K.A. no premio do público. Os organizadores avanzan que "a MIT afronta retos futuros co aumento da recadación de venda de entradas e a consecución de máis recursos".

Te puede interesar