No CEIP o Couto conmemoran o Día Mundial da Auga con actividades, no propio colexio, e na Aula da Natureza
As persoas precisamos a auga para moitas cousas: para beber, para ducharnos, para cociñar, para lavar, para regar os campos, para fabricar cousas. A auga é importantísima para todos os seres vivos: humanos, animais e plantas, por iso a debemos coidar. Todos podemos axudar a coidar a auga se coidamos os ríos.
Estas son algunhas das cousas que todos podemos facer: non botar papeis; non botar lixo nin restos de alimentos; non danar os arbustos das beiras nin as árbores, pois dan a sombra necesaria para os animais que viven dentro e arredor do río.
