Recadáronse 4.000 euros que se destinarán par axudas a infancia
Hai uns días na Fundación Meniños Ourense fíxose entrega dos cartos recadados pola venda do libro solidario "A superavoa de Antón". Trátase dun proxecto colaborativo no que participan a Fundación Meniños e o Movemento Meu Rei. Meu Rei, activismo pola infancia, é un movemento a favor da infancia que está a colaborar con diferentes ONGs para axudar a que acaden os seus obxectivos nas diferentes campañas que levan a cabo.
Recadáronse un total de 4.000 euros coa venda dos exemplares que se destinarán a axudar na importante tarefa que realiza Meniños en Galicia de traballar en prol da infancia, a loita en contra do seu abandono e maltrato. Co libro "A superavoa de Antón" quixeron ademais pór en valor o papel das avoas ao longo da nosa historia, enxalzar a súa figura como as loitadoras e traballadoras incansables que son.