A Concellería de Educación organiza a Moteces 2018 coa participación de grupos de cinco centros de ensino da cidade
Os grupos de teatro de cinco centros educativos da cidade están a participar na XVII edición da Mostra de teatro escolar de ensino secundario Moteces 2018, que organiza a Concellería de Educación do Concello de Ourense. Desde o xoves, día 3, e ata o este venres, 11 de maio, no salón de actos da Escola Municipal das Artes Escénicas actuarán os grupo do IES E. Blanco Amor, IES Lagoas, CPR Santo Ángel, CPR Divina Pastora e CPR Santa Teresa de Jesús, sempre ás 12,00 horas.
Hoxe, tócalle o turno ao Grupo “Vedruna Teatro” do CPR Sta. Teresa de Jesús coa obra “El Cartero del Rey” dirixida por Pablo Silva e como público asistente do IES Universidade Laboral, do CPR Cardenal Cisneros e do CPR Sto. Ángel.
O venres, ao rematar a representación, en torno ás 13.00 horas, terá lugar a entrega dun agasallo a cada un dos grupos de teatro participantes e tamén a entrega do premio á gañadora do VI Concurso de Deseño de Carteis da Moteces que é unha alumna de 4º de Eso do CPR Sto. Ángel.
