Hai agora 60 anos, o 17 de maio de 1963 instaurouse coma o Día das Letras Galegas. Cumpríase naquel momento o centenario da publicación de “Cantares Gallegos” o libro que o cambiaría todo para a literatura galega. Detrás desta decisión houbo un equipo do que formaba parte Francisco Fernández del Riego, a quen este ano se lle adicou a xornada.
En honra ó escritor, nacido en Lourenzá e que, entre outros moitos méritos, presidiu a Real Academia Galega, os colexios ourensáns implicáronse ó máximo na celebración do Día das Letras Galegas e, por extensión, de toda a cultura de Galicia. Tanto na cidade como nos centros educativos da provincia, a pasada semana foi para festexar as letras en galego.
