Nenos e nenas con idades comprendidas entre os 6 e os 14 anos partiron ao espacio termal nun medio de transporte moi particular e divertido
Foi unha semana moi intensa chea de actividades e propostas lúdicas para nenos e mozos de todas as idades. Dende Amencer organizaron un completo programa, baixo a denominación de "A Tope na Ponte Semana Santa" para celebrar por todo o alto estes días de vacacións que remataron este luns. Como colofón a tantas actividades tocaba descansar e que mellor lugar para facelo que as Pozas de Outariz.
Nenos e nenas con idades comprendidas entre os 6 e os 14 anos partiron ao espacio termal nun medio de transporte moi particular e divertido, o tren turístico co que conta a cidade de Ourense. Ao chegar ao destino aproveitaron para bañarse e compartir xogos nas pozas de Outariz. Foi unha xornada estupenda, do máis relaxante e a mellor maneira de poñer o punto e final a unha intensa semana de vacacións chea de momentos de ocio. Ao finalizar a actividade volveron a coller o tren turístico para voltar ao centro da cidade.
