Un horto escolar é unha alternativa sa e divertida

A saúde centrará este sábado o programa Xornal Escolar de Telemiño. O equipo de Conchi Pérez desprazouse ao colexio Salesianos para ser testemuño dalgúns dos programa relacionados coa saúde nos que participa todo o alumnado do centro. Un dos programa máis salientables é o promovido polo doutor Valentín Fuster, que trata de inculcar hábitos cardiosaudables, dende cativos, alimentación sa e exercicio. A raíz deste programa, en Salesianos levan a cabo outros proxectos co fin de relacionar unhas actividades coas outros. Así, o “Xogo da serpe”, de Educación Vial e o Horto Escolar son o que se pode considerar como unha prolongación do programa She.

Latricar

Esta semana Leire e Carla, dúas nenas de 3 anos, son as encargadas de latricar para o Xornal Escolar. As dúas cativas falan do conto “A Eiruguiña Comellona”, que tanto lles gustou e co que tanto aprenderon. As nenas recomendan a lectura deste exemplar a todos os nenos e nenas xa que lles vai encantar. 

Contacontos

Esta semana, a sección prensa será substituída por un fantástico contacontos sobre a temática do corazón. O “Amigo das árbores” compartiu co alumnado máis novo unha divertida actividade da Concellería de Educación  do Concello de Ourense. 

Augaescola

Viaqua presenta esta semana unha nova entrega do xogo educativo “Sabías que?”. Nesta ocasión o tema central serán as toalliñas, coas que tanto coidado hai que ter e nunca se deben tirar polo WC. Un grupo de escolares do colexio Franciscanas serán nesta ocasión os participantes no xogo que lles propoñen os expertos de Viaqua Santi e Marian.

Para despedir o programa e aproveitando a recente visita ao horto escolar de Salesianos, Conchi Pérez convida a todo o mundo a crear o seu horto. Anima á xente a buscar un espazo e crear o seu hotiño co que se traballarán moitos aspectos como o coidado da natureza, coa terra, crear niños e maceteiros con material de refugallo, traballar en familia e sementar productos sans que despois gozaremos nas nosas mesas.