Os instrumentos de vento metal
Dúas trompetas, unha trompa, un trombón, unha tuba e incluso un sousáfono son os instrumentos de vento que protagonizan “Pequeclassics”, o programa educativo de L ´Auditori de Barcelona cunha posta en escena que sorprenderá a toda a familia. Estarán o 16 de outubro no Teatro Principal de Ourense.
Nova tempada das escolas deportivas
Aberto o prazo de inscrición para a tempada 2022/2023 das Escolas Deportivas do Paco Paz, na que se amplía a oferta de modalidades, para dar cabida a todos os gustos e interese. O comezo da actividade será no mes de outubro. O custo establecido é de 90 euros por tempada para cada participante por modalidade deportiva. Para solicitar a inscrición, é preciso cubrir o formulario e entregalo na recepción do Pazo. A partir de outubro, Paco Paz
A pintura sae a coñecer o Casco Vello
Xa está aberta a inscripción para a actividade “Pintar sen medo”, promovida pola asociación de veciños do Casco Vello da cidade. Impartida pola artista ourensana Marita Carmona, busca achegar o arte ó barrio, nunha actividade que pode compartir toda a familia ou disfrutar de xeito individual. Será os sábados de 11:30 a 13:00 horas e está aberta a artistas de tódalas idades. Tódolos sábados, AAVV Casco Vello
Nova edición de Ciencia en Feminino
O programa “Ciencia y Tecnología en femenino” celebrado ten como obxectivo fomentar as vocacións científicas e tecnolóxicas. Xa está aberta a convocatoria da quinta edición desta iniciativa, dirixida a estudantes de Secundaria e dos últimos cursos de Primaria. A partir de novembro, Online
Contos e soños para os máis cativos
Os contos lévannos a un mundo de fantasía para poder soñar e medrar imaxinando. As palabras combínanse coas imaxes e os sons para crear un universo propio. Canto, baile e moita ensoñación para un contacuentos diferente pensado para bebés de un a tres anos de idade acompañados por un adulto. Para participar é preciso realizar inscripción previa. 22/09/2022, Biblioteca Nós
Os museos de Galicia abren as súas portas para os escolaresç
Os museos da Xunta de Galicia abren a súa programación para escolares neste primeiro trimestre con 50 propostas para que os centros poidan elixir as súas actividades didácticas, obradoiros e visitas gratuítas. En Ourense participan o Museo Arqueolóxico con visitas guiadas e obradoiros; o Museo Etnolóxico de Ribadavia e o Museo do Viño de Galicia, que tamén abren as súas portas aos escolares con visitas especiais. Pola súa banda, o Parque da Cultura Castrexa Lansbrica de San Cibrao de Lás desenvolverá o programa “Galaic@s”, a forxa dun pobo da idade de ferro, adaptado a cada curso escolar, que inclúe diferentes actividades como visitas ao centro de interpretación ou obradoiros nas aulas didácticas con variedades de temáticas sobre a idade de ferro. A información completa de toda a oferta didáctica está dispoñible nas páxinas web de cada un dos centros museísticos.
Gañadores do certame da RAG das Letras Galegas
O concurso escolar da Real Academia Galega sobre Florencio Delgado Gurriarán xa ten gañadores. Dous dos tres colexios premiados no proxecto Primavera das Letras polas súas contribucións á divulgación da vida e da obra do protagonista do Día das Letras Galegas 2022 son ourensáns: o CEIP de Seixalbo e o Julio Gurriarán Canalejas do Barco de Valdeorras -comarca natal do autor-. O colexio de Seixalbo presentou o vídeo breve “Un minuto con Florencio”. O Julio Gurriarán Canalejas presentou a adaptación musical do poema “Aí vén o maio”.
