Xornal Escolar

Promoción do galego oral

Xornal Escolar

COLE A COLE

Promoción do galego oral

Grabación del programa de Xornal Escolar en el IES Otero Pedrayo por motivo del programa 21 días co Galego.
photo_cameraGrabación del programa de Xornal Escolar en el IES Otero Pedrayo por motivo del programa 21 días co Galego.

21 días co galego E+ busca que a xente nova adquira o hábito de falar nesta lingua e para elo en catro centros educativos de Galicia se exportou o programa no que participaron 95 docentes e 1.316 alumnos

Promovido pola Consellería de Cultura e Turismo, a través da Secretaría Xeral de Política Lingüística, o programa 21 días co galego e+ ren como finalidade promover o uso do galego oral entre a xente nova. Trátase dun programa de dinamización lingüística que tamén busca o perfeccionamento do galego e o uso dentro e fóra dos centros educativos. Ademais de todo iso, o programa educativo tamén pretende que os estudantes analicen a súa relación coas linguas que coñecen e máis concretamente co galego, para ver cal é o lugar que ocupa e pode chegar a ocupar nas súas vidas. 

A experiencia didáctica 21 días co galego botou a andar no ano 2013 no IES Pobra do Caramiñal, da man dunha das súas mestras, Pilar Ponte. Desde ese momento xa se desenvolveron cinco edicións máis e foi no ano 2015 cando este proxecto recibiu o premio de innovación en dinamización lingüística da Secretaría Xeral de Política Lingüística. 

Este ano deuse un paso máis nesta experiencia e foi exportala a outros centros educativos. Púxose en marcha o programa 21 días co galego e+ en catro institutos de Galicia: O IES Pontepedriña de Santiago de Compostela, o IES Antón Alonso Ríos de Tomiño, o IES Francisco Daviña Rey de Monforte e o ourensán  IES Otero Pedrayo. En total, participarán nesta edición 95 docentes e 1.316 alumnos e alumnas da ESO, bacharelato e FP, con idades comprendidas entre os 12 e os 18 anos. 


Firme compromiso


Durante os 21 días que durou o programa, os escolares comprometéronse a falar soamente en galego as 24 horas do día. Esta data prolongouse desde o 14 de xaneiro ata o 3 de febreiro de 2019, dentro e fóra do centro de ensino.  Se ben é certo que o alumnado foi o protagonista principal, por ser a súa galeguización como pola súa participación activa no programa, o profesorado tamén colaborou dunha forma directa, ao igual que se procurou implicar en cada centro educativo a persoal de administración e servizos, a ANPA e as propias familias, que na práctica resultaron determinantes para o éxito da actividade.

O sorporte central deste programa é o blog 21diascogalegoemais.gal, onde cada día aparecen novas entradas que lles indicaron durante este tempo aos escolares tarefas que tiñan que realizar e onde se poden ver as gravacións onde os mozos deixan as súas reflexións e experiencias.