As cámaras de Telemiño estiveron presentes no centro comercial Ponte Vella para ser testemuños da gran festa organizada aos gañadores do concurso “Xornalistas na Escola”, que convoca dende hai cinco anos o suplemento educativo de La Región, Xornal Escolar
Ademais de gravar todos os obradoiros que compartiron os escolares, o espectáculo de maxia, o momento da comida ou a entrega dos diplomas que os acreditaban como gañadores do certame, Telemiño non quixo perderse momentos únicos de risas, anécdotas, brincos e moita, moita festa que emitirá o vindeiro sábado, ás 14.00 horas no programa semanal Xornal Escolar, que ademais será o derradeiro da tempada.
