Cartas al director

Política sanitaria e covid-19

O pobo é soberano. Está ovacionando cada tarde con puntualidade a quen verdadeiramente o merece. E son heroes porque se erguen cada mañá para loitar contra ese inimigo invisible, coma un exército sen armadura. Como pagar que sigan cada día ao pé do canón, vendo as múltiples baixas por contaxio e incluso a algúns d@s seus compañeir@s deixándose literalmente a vida no empeño? Esta profesionalidade e sentido do deber non ten prezo. Como non ten perdón que os nosos políticos fosen desinflando ano a ano o gran tesouro que é a sanidade pública e universal. Tomen nota señores gobernantes. Por favor, aprendan a lección. Cambien o rumbo das súas prioridades, porque a próxima pandemia que veña tennos que pillar preparados para o combate.