Imprimir

Aprender dun xeito ameno e dinámico

La Región | 13 de abril de 2016

Combinan as clases teóricas con actividades prácticas e proxectos cos que reforzan os seus coñecementos

No CEIP Baños de Molgas combinan perfectamente as horas propiamente lectivas e cun carácter máis teórico con actividades prácticas e outras de lecer. Ademais e para reforzar os coñecementos aprendidos na aula, participan en numerosos proxectos e actividades. Este curso destacan especialmente dous interesantes proxectos nos que están inmersos. O primeiro é a celebración dos “Días da árbore e a auga”, con charlas a cargo de persoal especializado nestes temas, prantación de árbores e moitas outas actividades coas que se conciencia aos escolares da importancia de coidar axeitadamente o medio que os rodea.  

Outro dos proxectos do centro e máis a longo prazo e a celebración da “Semana das Letras Galegas”, onde levarán a cabo varias actividades entre as que está o coñecemento do autor, Manuel María, un acto público con presenza dos pais de alumnos e no que serán os escolares os encargados de recitar poesías, interpretar pequenas obras de teatro e cantar unha serie de cantigas que xa están a preparar dende semanas antes, co fin de ofrecerlle a todos os asistentes un magnífico espectáculo. 

Puede ver este artículo en la siguitente dirección https://www.laregion.es/articulo/xornal-escolar/aprender-dun-xeito-ameno-dinamico/20160413120510614568.html


© 2020 La Región

© La Región S.A.

Contenidos con licencia Creative Commons