A vila de Verín recupera pouco a pouco a súa normalidade. Precisamente, un dos espazos máis senlleiros, a Biblioteca Municipal, reabrirá as súas portas hoxe luns, día 1 de xuño, para préstamo e devolución de exemplares literarios. Eso si, haberá varias medidas de seguridade co obxectivo de frear a propagación do covid-19.
Por unha banda, os libros que sexan devoltos a esta entidade a partir deste momento pasarán unha corentena de 14 días antes de estar dispoñibles novamente para outros usuarios, segundo indicaron os responsables das instalacións. A devolución dos libros poderase realizar no horario habitual da biblioteca verinesa, é dicir, de 10,00 horas a 13,30 horas, e de 16,30 a 19,30 horas.
Franxas para maiores
Por outro lado e tal e como adiantaron dende a Biblioteca Municipal, quedarán reservadas de modo exclusivo para as persoas maiores as franxas horarias que van dende as 11,30 horas, ás 12,30 horas; e de 18,30 horas, ás 19,30 horas.
No que se que atinxe aos préstamos de libros, as persoas interesadas en solicitar exemplares poderán consultar no Catálogo da Biblioteca Municipal de Verín -o enderezo web é www.bibliotecadeverin.es apartado OPAC- os libros dispoñibles.
Por último, unha vez feita a solicitude de reserva, o usuario recibirá automáticamente unha cita previa para recoller o libro ou libros seleccionados e poderá acudir a buscalos, eso si, cumplindo con todas as medidas de seguridade.