Unha iniciativa que busca axudar ao envellecemento en positivo
Seis centros sociais do medio rural do Carballiño acollerán nas próximas semanas o programa de risoterapia dirixido ás persoas maiores "Risaplus", que ten por obxectivo axudar ao envellecemento en positivo, organizado pola Deputación e o Concello do Carballiño.
En concreto, as sesións programadas desenvolveranse todas no mes de abril, empezando en Seoane, o día 1 de abril; en Mesego, o 8 ; Señorín, o día 15 do mesmo mes; Madarnás, o día 17; Partovia, o xoves, 18 de abril, e Arcos, o 22 de abril.En todos os casos, o horario da actividade será de 16,00 a 17,30 horas. "Risaplus", que leva por lema "Envellecendo en Ourense, envellecendo en positivo", desenvolve diversas técnicas terapéuticas como xogo imitativo, participativo, xogo expresivo, xogos musicais, relaxación da risa, ioga da risa e respiración da risa, entroutras.
