A crecente despoboación no rural levou a Aldo Rodríguez e á súa nai,a explorar novas vías de negocio para a súa tenda de Vilar de Santos. O resultado foi a creación dun proxecto para a venda de chourizos por internet.
Aldo Rodríguez é o responsable do único supermercado localizado en Vilar de Santos. Un negocio familiar que puxeron en marcha os seus pais hai 20 anos. Do mesmo xeito que o que aconteceu con outros establecementos da comarca, o negocio desta familia da Limia viuse afectado pola crise e pola despoboación da zona do rural.
Sen embargo, este emprendedor de 39 anos non quixo quedar de brazos cruzados e decidiu adaptar a súa tenda de toda a vida, á situación actual das novas tecnoloxías. Por este motivo está iniciando un proxecto de venda de produtos da casa a través de internet. "Sabor de aldea" é a marca baixo a cal se venderán na rede chourizos afumados e de cabazo. "Decidimos comezar esta aventura por varios motivos", conta Aldo. "Os nosos clientes de toda a vida van faltando e a xente nova prefire mercar nas grandes superficies comerciais", engade. "A xente maior do pobo xa non fai a matanza tradicional pero non queren renunciar a comer o chourizo da casa", sinala o emprendedor de Vilar de Santos. "Pensamos que había unha oportunidade de real de negocio e, ademais, na miña casa sempre se fixo matanza", engade.
Deste xeito, Aldo comezou a falar cos seus clientes, a comentarlle o proxecto que traía entre mans. "Os chourizos fóronse coñecendo pola comarca, moitas persoas procedentes de Barcelona, Valencia, Madrid ou Bilbao que viñan a veranear aos pobos da zona, achegábanse ata a tenda para levar ducias de chourizos".
A inversión inicial foi de 40.000 euros para a creación dun obradoiro de despezamento, o cal tiña que ter todas as instalacións necesarias para cumplir cos requisitos impostos por sanidade: cámara frigorífica, amasadora, picadora e embuchadora. Ao carón deste lugar, situado na parte baixa da tenda familiar, está situado o fumeiro para levar a cabo o afumado dos chourizos.
Despois de conseguir todas as autorizacións pertinentes para o establecemento, e os permisos para a venda a través de internet para todo o país, o negocio está listo para iniciarse. "Teño moita fe en que o negocio vai a ir moi ben", explica Aldo. "Queremos crear moitos postos de traballo aquí en Vilar de Santos". A súa nai comparte a mesma ilusión: "Estou moi ilusionada", comenta. "É un produto que xa facían os meus avós -añade-, axuntamos o tradicional e o moderno". Para Aldo, hai varios motivos que determinan a calidade do seu produto. "Os cerdos da nosa matanza están cebados polos veciños do pobo, non lle dan pienso, se non berzas, trigo e pataca", explica. "Facemos unha meticulosa selección da carne, todos os trozos que non son bos os quitamos , empregamos as cantidades adecuadas do pimentón da mellor calidade e facemos o curado soamente con leña de carballo", engade.
Dende o pasado mes de outubro ata a actualidade, esta familia vendeu ao redor de 15.000 chourizos da casa. Aldo está convencido de que fan un bo traballo. "Non hai un produto como o meu", manifesta.
A Web para facer os encargos, sabordealdea.com, estará dispoñible a partir de hoxe sábado. Polo momento o catálogo de produtos está composto soamente polos chourizos pero o emprendedor xa ten en mente amplialo. "Estamos pensando en elaborar mermeladas caseiras feitas con froitas de aquí de Vilar de Santos", comenta Aldo.
