A Confederación Hidrográfica Miño-Sil presenta a iniciativa "Me gusta mi río. Enséñame a cuidarlo", dirixida, en Ourense, aos escolares do CEIP Virxe de Covadonga, para que aprendan a coidar a auga e o seu entorno
Iste sábado, o programa Xornal Escolar que dirixe Conchi Pérez, centrará a súa temática na auga. Mañá conmemórase o Día da Auga e, ademais das habituais accións que leva a cabo Viaqua e que cada semana podemos ver na sección AugaEscolar, o programa educativo de Telemiño contará co participación de Francisco Marín, presidente da Confederación Hidrográfica Miño-Sil; e co biólogo e experto en educación medioambiental, Ángel Lorenzo. Acompañandoos no programa estará un grupo de escolares do CEIP Virxe de Covadonga que este curso están a participar na proposta educativa da confederación. Baixo o lema “Me gusta mi río. Enséñame a cuidarlo” os escolares están a participar nunha serie de actividades e saídas coas que se pretende que os máis cativos se conciencen do uso responsable da auga e como indica Francisco Marín, “se coñecen algo, aprenden a coidalo” e este é o obxectivo da Confederación Hidrográfica Miño-Sil que está a traballar cos escolares na contorna do río Barbantiño.
Iste programa, que comezou en outubro e se pronlonga ata final de curso, conta con varias saídas en distintas etapas do ano para coñecer o ecosistema vinculado ao río e todos os cambios que experiementa nas distintas estacións do ano. O biólogo Ángel Lorenzo acompaña aos escolares en cada saída e é o encargado de brindarlle amenas charlas e aportarlle datos interesantes que os escolares apuntan no seu caderno de campo. Ademais, todas estas saídas e investigacións máis profundas se poden consultar na web de ambiencia.com. Así en outubro coñeceron a variadade de especies macroinvertebrados que habitan na contorna do río Barbantiño, puxeron caixa-nidos e realizaron análises da auga. Mañá, coincidindo coa conmemoración do Día da Auga acudirán de novo ao río Barbantiño e coñecerán a historia dos muíños e aspectos sociais vinculados a estas construccións.
Os escolares do CEIP Virxe de Covagonga son uns privilexiados á hora de poder participar nesta interesante iniciativa da que aseguran estar aprendendo moito e ao mesmo tempo están a aprender a facer un uso dun ben tan prezado como é a agua, un recurso que non é ilimitado polo que é fundamental concienciarse da súa importancia. Os nenos e nenas de Covadonga están a convertirse así en verdadeiros expertos na auga.
