O día da celebración este centro educativo da vila alaricana presentou os seus traballos no campo da Barreira
Semanas antes da gran celebración do Día dos Maios, os escolares de todas as etapas educativas do CEIP Padre Feijoo de Allariz xa comezaron a traballar arreo para presentan uns magníficos traballos.
O día da celebración este centro educativo da vila alaricana presentou os seus traballos no campo da Barreira. Foron catro magníficos Maios para aos que lles adicaron moito esforzo, moita imaxinación e gañas de realizar uns magníficos traballos. Así foi, o resultado non deixou a ninguén indiferente e todos os visitantes que acudiron ao recinto ficaron abraiados co bo facer destes cativos.
Ademais de expoñer os maios no campo da Barreira, non faltou o tradicional canto de coplas cos que tanto se divirte os que os fan e os que os escoitan o día da festa. Un grupo de danza encargouse de completar esta cita festiva que volveu ser un éxito na vila alaricana o pasado xoves.
En Ourense a celebración foi o domingo e a rúa do Paseo da cidade encheuse de visitantes para admirar os numerosos maios de colectivos, asociacións, residencias e tamén de moitos centros educativos e de grupos de nenos. Tampouco faltaron a coplas que arrancaron máis dun soriso entre os que se citaron para gozar desta fantástica festa de primavera.