Imprimir

Os nenos de Carballiño achegáronse á poeta Rosalía de Castro

Redacción | Carballiño | 21 de Febrero de 2019

Os escolares e monitores durante a actividade, onte no Calvo Sotelo. (C.R.)
Os escolares e monitores durante a actividade, onte no Calvo Sotelo. (C.R.)

Unha actividade que busca xerar e fortalecer dinámicas creativas de interacción encol da arte, ofrecendo outro punto de vista á hora de estudar a figura da escritora

O alumnado de quinto e sexto curso de Primaria do colexio público Calvo Sotelo do Carballiño participou este xoves nunha actividade lúdica educativa co gallo da conmemoración o próximo domingo 24 de febreiro do Día de Rosalía. 

Esta actividade foi promovida polo Servizo de Normalización Lingüística do Concello do Carballiño, e realizárona monitoras da compañía de eventos culturais e educativos Xandobela.


Coa denominación de Rosalia na voz da xente, consistiu nunha proposta  lúdica interactiva na procura de achegar dunha maneira participativa a obra e figura de Rosalía de Castro


A través dunha posta en formato de xincana, as educadoras propuxeron aos nenos participantes unha serie de retos que tiveron que superar de maneira rotatoria e cooperativa ao mesmo tempo. Deste xeito tamén se perseguiu xerar e fortalecer dinámicas creativas de interacción encol da arte, facendo fincapé na dimensión literaria e ofrecer outro punto de vista á hora de estudar a figura de Rosalía de Castro.

Puede ver este artículo en la siguitente dirección /articulo/o-carballinho/nenos-carballino-achegaronse-poeta-rosalia-castro/20190221230706855770.html


© 2019 La Región

© La Región S.A.

Contenidos con licencia Creative Commons