Onte contáballes que o dicionario da RAG recomenda “Saami” en vez de “lapón” de Laponia. E iso fíxome mirar a entrada do “bosquimán”, e así figuran “bosquimán, bosquimá”. E lembreime dun congreso de arte rupestre no que participei hai décadas e dun keniata grande e barbado, moi politicamente correcto e teimudo, que logrou cambiar nas expresión de todos e nas actas, “bushmen” -bosquimán, as reunións eran en inglés- pola de “san people”, pois seica é como se autodenominan ou como se lles chamaba pola nova. Isto do cambio de nomes de países existe. Moitos vimos chegar o Zaire -e desparecer o Congo-; Botswana -e extinguirse Rodesía-; e nacer Myanmar e esvaecerse Birmania. E vin como Camboxa pasou no tempo do tolo de Pol Pot, a ser Kampuchea, e logo volveu ao vello nome, que seica debemos dicir así, con xe, Camboxa. A verdade, tanto me ten. Para o que falo dela...
