Normalmente non pensamos no día da nosa morte. Aínda que teñamos moitos anos, sempre nos parece que ese día está lonxe. De feito, amiudo cremos estar no mundo dos vivos e que un día iremos para o mundo dos mortos, pero iso non é certo. A realidade é que estamos no mundo dos mortos e imos para o dos vivos: Pedro escribindo a súa segunda carta asegura:
“Hásevos franquear a entrada do Reino eterno do noso Señor e Salvador Xesús Cristo” (2 Pedro 1:11)
Non quere que teñamos ningunha dúbida en canto á vida eterna que Deus nos regala, senón que depende de cada persoa neste mundo crelo ou non. As circunstancias e as situacións difíciles poden seguir aí, pero podemos vivir unha vida extraordinaria se confiamos en Deus. E cada día estamos máis perto desa vida que dura para sempre, da que ninguén pode nin imaxinar o grandioso que será todo o que nos espera. Porque estamos no mundo dos que morren, para chegar un día ao mundo dos vivos.