“Eu son a vide verdadeira, e meu pai é o labrego”
Xoan 15:1
A nosa cidade fica moi perto do Ribeiro e por iso todos entenderán moi ben este exemplo que nos trae Xesús no evanxeo de Xoan. O labrego pon as vides e delas agroman as varas. Para que esas vides, cheas de vida, den froito, as varas han depender da vide e estar limpas. Deste modo Deus Pai ofreceu ao seu Fillo para que teñamos vida, e iso nos fala que o Pai traballa coma un labrego, por nos ofrecer o mellor que posúe. Por outra parte, a vide verdadeira non pode mentir. É por iso que podemos acreditar nela, depender dela e viver por ela. Demasiadas persoas precisan depender doutras para que as súas vidas teñan sentido, e pronto veñen os fracasos. Pero en Xesús hai vida eterna.
