Lucía Álvarez, directora e actriz: “O 15% dos españois non pode ir ás salas por ser xordo ou cego”

Lucía Álvarez (San Xoan de Río, 1987) presenta a longametraxe “Amores brujos” e a curta “El olvido” no OUFF.

Pregunta. Que me dis do filme?

Respuesta. É Manuel de Falla a través dos ollos de María Lejárraga. Estreouse o 3 de xuño tras seis anos de rodaxe e é a primeira película 100% accesible en España

P.A que che refires con accesible?

R.O 15% dos españois non pode ir ao cinema por ser xordo ou cego. “Amores Brujos” con subtítulos e audiodescripción en todos os pases.

P. Como está a ser a recepción en salas tendo isto?

R.A accesibilidade vai ser obrigatoria na próxima Lei do Cinema, pero ata o de agora non había ningunha película accesible en todos os pasos. Ademais, este tipo de documentais non adoitan ir a circuíto comercial. Arriscámonos e estamos moi contentos.

P. O tema do flamenco parece un pouco nicho. Por que tomou esta decisión?

R.Falla sempre dicía que el non quería facer música para películas, senon unha película sobre a súa música, e ata o de agora non había. Non quería poñer pezas de 20 segundos, polo que as puxen completas dentro do filme.

P. Dentro dos intérpretes atópase xente tan destacada como Israel Fernández.

R.Cando contactamos con el, aínda non era a figura que é hoxe. Buscabamos alguén cun flamenco puro e atopámolo. Agora converteuse nunha figura punteira, como non podía ser doutra maneira.

P. Tamén presentas a curtametraxe “El olvido”

R. Nace de que me chamaron para preguntarme sobre a morte dunha actriz. Eu pensei que era imposible e a miña sorpresa foi cando empecei a buscala e ninguén sabía nada dela. Fixen a curtametraxe porque en absoluto era unha historia illada. Xente que se retira e ninguén se acorda nunca máis dela.