A entrega do premio é o venres 24 ás 20:00 no Teatro Principal de Ourense
A coral De Ruada outorgará o XII Premio Xavier Prado Lameiro á Asociación Cultural Aimil Folc de Xinzo de Limia. O xurado fallou entregarlle o galardón a este colectivo “polo traballo que, ao longo de máis de vinte anos, leva realizado no campo da investigación, conservación e divulgación do noso folclore tradicional”.
Un labor feito mediante a música pero tamén por “tódalas demais manifestacións etnográficas que a acompañan”. A entrega será o venres 24 ás 20,00 horas no Teatro Principal de Ourense.
