Xornal Escolar
As árbores e a primavera no colexio Irmáns Villar
Coincidindo coa entrada da primavera, os alumnos do colexio Irmáns Villar de Ourense conmemoraron o Día da Árbore, unha xornada con carácter anual que ten como obxectivo concienciar ós máis novos sobre a necesidade de protexer as especies vexetais para o ben do planeta.
Nesta ocasión trasladáronse ata o Parque Botánico de Montealegre onde coñeceron as diferentes variedades arbóreas que compoñen este entorno no alto da cidade e tiveron ocasión de plantar unha árbore para colaborar coa causa. Nesta xornada tan especial, ademais de gozar dun bo día de primavera e aproveitar para pechar o segundo trimestre ó aire libre, tamén puideron descubrir a importanica de coida o monte e os espazos verdes que hai nas rúas respectando as árbores, elementos fundamentais para o benestar do medio ambiente pero tamén das persoas.
A actividade, organizada entre a Aula da Natureza do Río Miño e a Sociedade Galega de Historia Natural, resultou un éxito entre os alumnos de Primaria do Irmáns Villar, que aprenderon moitas cousas sobre as especies autóctonas e foráneas galegas ó tempo que entraron en contacto co entorno natural da súa cidade. Como agasallo de lembranza recibiron unhas mochilas conmemorativas do Día da Árbore deste ano.