Xornal Escolar
Galería | A semana Europea de Artesanía de Xinzo de Limia en fotos
O IES Lagoa de Antela de Xinzo de Limia participou na Semana Europea da Artesanía cunha serie de actividades co obxectivo de dar a coñecer diferentes técnicas e materiais da artesanía próxima e da contorna, nas que participaron máis de 170 rapaces e rapazas. Realizáranse oito obradoiros con Julia de la Cal, Agustín Vázquez e María Jesús Labrador. Tiveron ademais dúas exposicións de artesanía no centro; unha sobre a cestería e outra sobre a olería.
As actividades contaron co apoio da Fundación Pública Artesanía de Galicia e do Concello de Xinzo de Limia. Os departamentos de Debuxo, Bioloxía e Xeoloxía e Lingua Galega xunto co Equipo de Dinamización Lingüística organizan este programa de actividades enmarcadas nunha proposta de aprendizaxe baseada en proxectos chamada Refuxios que se está a desenvolver ao longo de todo o curso.
A través desta proposta achegouse ó alumnado as diferentes técnicas de artesanía vencelladas ao traballo con elementos naturais como fibras vexetais ou barro, co obxectivo de utilizalas para redeseñar e transformar un dos espazos do centro a final de curso. Nos vindeiros meses a rapazada seguirá traballando estas técnicas, por unha banda coa intervención nun espazo verde do centro onde se crearán refuxios para biodiversidade e tamén coa realización de pezas empregando un forno de cerámica propio.