Xornal Escolar

Galería |  Semana Santa de asociación xuvenil Amencer, atópate nas fotos!

Mäis de 80 rapaces e rapazas de Ourense participaron na última edición do proxecto de conciliación Mañás de Semana Santa da asociación xuvenil Amencer. A iniciativa pretende educar en valores a través do xogo, favorecer a creatividade dos cativos, a participación e o traballo en equipo, e poder seguir empregando as instalacións colexiais fóra do horario escolar.

Para iso, contaron cun amplo programa de actividades nas que non faltaron obradoiros, xincanas, xogos de presentación e cooperativos, psicomotricidade, cine, grandes xogos... Todo pensado para un público de entre 3 e 13 anos de idade que viviu unhas vacacións escolares diferentes e especiais, cheas de diversión e compañeirismo.