O secretario xeral para o Deporte, José Ramón Lete Lasa, recibiu este venres os deportistas ourensáns proclamados Campións de España en 2015 na categoría absoluta ou previa á absoluta
O secretario xeral para o Deporte, José Ramón Lete Lasa, acompañado pola delegada territorial da Xunta en Ourense, Marisol Díaz Mouteira, recibiu este venres os deportistas ourensáns proclamados Campións de España en 2015 na categoría absoluta ou previa á absoluta.
No transcurso do acto, o titular de Deportes da Xunta celebrou os bos resultados da provincia na competición nacional, na que 24 ourensáns subiron ao máis alto do podio nas súas respectivas modalidades deportivas.
Así foi no caso do atletismo, con Damián Anta Fernández e Alejandro Fernández Rivera; do boccia, con Jose Manuel Prado Prado; do ciclismo, con Pablo Rodríguez Guede; do fútbol sala, con Ana López Lastra, Ana Rivera Chaves, Maria Arias Rodríguez, Vanessa Sotelo Quintela e María Romero Rodríguez; do judo, con Ezequiel Gago Troitiño, José Manuel Ferreira Colmenero, Arcadio Álvarez Zurbano, Rafael Rodríguez Rivero, Carlos Puente Gómez e Agar Gago Troitiño; do KungFu, con Jacobo Rodríguez Naveira, Emanuel Álvarez Escobino, Sara Álvarez Vázquez e Sergio Parga Nores; do xadrez, con Iván Salgado López; e finalmente, no caso da ximnasia, con Yolanda García Sequeiros, Sara Blanco Vieira, Daniel Pérez Morales e Alejandro Cid Masid.
Ante a presenza de membros das federacións deportivas respectivas, Lete Lasa agradeceu "en nome de toda Galicia" a contribución destes deportistas ao desenvolvemento do país, posto que "eles son os auténticos protagonistas do deporte, unha actividade que favorece moi directamente a educación, a saúde, a cohesión social, a cultura e a economía".
