Os grupos que conforman a oposición parlamentaria -PSdeG e BNG- buscarán no próximo pleno un posicionamento do PP sobre a lingua galega, despois da manifestación que tivo lugar o luns en Santiago, na que miles de persoas reclamaron o "dereito a vivir en galego" e a retirada do decreto do ensino que promove a Xunta.
Así, pedirán ao grupo maioritario que asuma unha "rectificación" da política lingüística e "oia" aos galegos. Tras a reunión da Xunta de Portavoces, os representantes socialista, Xaquín Fernández Leiceaga, e nacionalista, Carlos Aymerich, explicaron as iniciativas que introduciron na sesión da próxima semana e que van no sentido de "retomar o consenso" e "restablecer os dereitos dos galegofalantes", respectivamente.
Serán dúas mocións, derivadas das interpretacións da anterior sesión, as que incluirán as peticións da oposición nesta materia, de maneira que o PSdeG reclamará constituír unha comisión parlamentaria -como pediu o Consello da Cultura Galega- para debater a normativa lingüística. A este respecto, o voceiro do Grupo Popular, Manuel Ruiz Rivas, advertiu de que o PSdeG "está equivocado" se cre que o decreto actual "vai seguir no próximo curso".
Así mesmo, na súa iniciativa os socialistas demandarán "respecto" ao Plan de Normalización da Lingua Galega (PXNLG) e "atender" as recomendacións de institucións como o Consello Consultivo ou a Real Academia Galega. Nesta liña pronunciouse o voceiro parlamentario do BNG, que presentou a moción dos nacionalistas como un proba para constatar "ata qué punto a Xunta escoitou os 100.000 galegos (datos da organización) que demandaron outra política e que se cumpra o mandato estatutario de defender a lingua do país".
Á marxe de declaracións "máis afortunadas ou non", Ruiz Rivas considerou "afortunada" a oferta dun "grande pacto de todos" e un acordo "non só no ámbito educativo", senón para toda a sociedade.
Serán dúas mocións, derivadas das interpretacións da anterior sesión, as que incluirán as peticións da oposición nesta materia, de maneira que o PSdeG reclamará constituír unha comisión parlamentaria -como pediu o Consello da Cultura Galega- para debater a normativa lingüística. A este respecto, o voceiro do Grupo Popular, Manuel Ruiz Rivas, advertiu de que o PSdeG "está equivocado" se cre que o decreto actual "vai seguir no próximo curso".
Así mesmo, na súa iniciativa os socialistas demandarán "respecto" ao Plan de Normalización da Lingua Galega (PXNLG) e "atender" as recomendacións de institucións como o Consello Consultivo ou a Real Academia Galega. Nesta liña pronunciouse o voceiro parlamentario do BNG, que presentou a moción dos nacionalistas como un proba para constatar "ata qué punto a Xunta escoitou os 100.000 galegos (datos da organización) que demandaron outra política e que se cumpra o mandato estatutario de defender a lingua do país".
Á marxe de declaracións "máis afortunadas ou non", Ruiz Rivas considerou "afortunada" a oferta dun "grande pacto de todos" e un acordo "non só no ámbito educativo", senón para toda a sociedade.
