O volume de tráfico de mercadorías neste período experimentou un crecemento do 1,5 por cento respecto ao mesmo período do ano pasado
Os portos galegos de titularidad autonómica superaron no primeiro semestre deste ano o millón de toneladas transportadas, segundo informou o presidente de Portos de Galicia, José Juan Durán, ao Consello de Administración no balance de actividade dos seis primeiros meses de ano.
En concreto, nos 122 portos de titularidad autonómica movéronse entre o 1 de xaneiro e o 30 de xuño un total de 1.204.990 toneladas de mercadorías, precisou José Juan Durán.
Así mesmo, indicou tamén que o volume de tráfico de mercadorías nestes diques neste período experimentou un crecemento do 1,5 por cento respecto ao mesmo período do ano pasado.
"A extrapolación destes datos á segunda metade do ano permite estimar que de novo Portos de Galicia poida pechar o ano cun movemento de mercadorías superior aos 2 millóns de toneladas, como aconteceu por primeira vez o pasado ano," apuntou.
Por portos, os que rexistraron maior volume de tráfico de mercadorías foron, respectivamente, Ribadeo, con 274.495; Cee, 245.215 toneladas; e Cariño, con 229.124 toneladas.
Ademais, destaca o caso do porto de Ribeira, que rexistrou nos seis primeiros meses do ano o movemento de 15.830 toneladas, un 93 por cento máis que o ano anterior.
PESCA FRESCA
Respecto á descarga de pesca fresca, nos portos dependentes da Xunta descargáronse ata o 30 de xuño 43.948 toneladas de peixe, un 11,6 por cento máis que no mesmo período do ano pasado.
En canto ao seu valor en lonxa, o volume económico xerado polos portos autonómicos neste período foi de 100 millóns de euros. Os portos con maior volume de descarga de pesca fresca foron: Burela, con 27.623 tonelada; Celeiro, con 21.295 toneladas; e Ribeira, con 16.638 toneladas.
