Estes servizos foran reclamados polos nacionalistas a finais do ano pasado, e o alcalde Carlos Montes respostara que o Concello iba encargar un proxecto integral para a renovación de canalizacións e construcción de beirarrúas nesta avenida. Bernardo García comenta, ó respecto, que ’non só se encargou nada, senón que o Concello concede permisos a particulares para que coloquen enlousado na rúa sen cambia-las tuberías’.
Prolongación
O concelleiro do BNG engade que ’a gran cantidade de paseantes que utiliza esta vía pide o remate destas obras, que permitirán unir a vila co Parque etnográfico, e ir pensando na prolongación cara Godás, un espazo con moitas posibilidades de crecemento’. É precisamente esta área onde a venda de parcelas está en auxe con vistas á súa urbanización, tendo en conta a súa ubicación perto do cámping’.
