Un total de 16 comparsas inscribíronse no desfile do Entroido organizado pola Concellería de Cultura do Carballiño para optar a algún dos oito primeiros premios e accésits que estaban dotados cun total de 8.000 euros. Un xurado integrado pola responsable desta área municipal, Inmaculada Ucha, e representantes de tódolos grupos participantes decidiu como gañadora a comparsa Nochinrío, con 1.800 euros, mentres Sabor e Os piratas tolos levaron o segundo e terceiro premios, respectivamente, de 1.200 e 900 euros.
Os colectivos O Imperio, de San Amaro, con 420 euros; Azucarados, de Maside, 360 euros; Os Tiroleses, de Arcos, 300 euros; Panadeiros.com, do Irixo, 240 euros, e Os Elfos, chegados do municipio pontevedrés de Crecente, con 180 euros, foron tamén galardonados. Precisamente istes últimos recibiron o novo premio de 300 euros instaurado polo Concello carbaliñés para recoñecer os disfraces de artesanía mellor elaborados.
Nos tradicionais eidos de animación e comparsa máis numerosa, Nochinrío e Panadeiros.com, acadaron, respectivamente, cadanseu agasallo de 300 euros. Outros oito grupos chegados da comarca carballiñesa levaron os accésits de 60 euros fixados pola organización.
Nos tradicionais eidos de animación e comparsa máis numerosa, Nochinrío e Panadeiros.com, acadaron, respectivamente, cadanseu agasallo de 300 euros. Outros oito grupos chegados da comarca carballiñesa levaron os accésits de 60 euros fixados pola organización.
