Outros temas que se porán a debate son a resolución das alegacións ás ordenanzas fiscais para o próximo ano, a relación de postos de traballo do concello, a ordenanza de terrazas e a revisión de oficio de permuta da Veracruz
Mañá será presentada no pleno municipal a proposta da concellería de Turismo para declarar a Festa do Pulpo como Festa de Interese Turístico Internacional. Esta celebración cumple con todos os requisitos esixidos polo Ministerio, aínda que esta aprobación é o único que falta para que se poida tramitar a proposta, e espérase a unanimidade de todas as agrupacións. A Dirección Xeral de Turismo da Xunta de Galicia ofreceu toda a axuda necesaria ó concello para lograr este cometido. Despois de cincuenta e cinco anos de celebración desta festa gastronómica o seu interese será recoñecido internacionalmente.
Outros temas que se porán a debate son a resolución das alegacións ás ordenanzas fiscais para o próximo ano, a relación de postos de traballo do concello, a ordenanza de terrazas e a revisión de oficio de permuta da Veracruz.
Dentro da actividade de control, serán revisadas as cinco mocións presentadas por parte dos grupos da oposición. A Asociación Veciñal pide a gratituidade de visitas a Museos e Bens de Interese Cultural para escolares, persoas en paro e xubilados ademáis da resolución xudicial sobre o persoal municipal. O BNG presenta dúas mocións, relativas ó 25 de novembro e ó aparcamento de camións no casco urbán. Por último, o Partido Popular presenta outra na que pide a renovación da rede de abastecemento, augas residuais e pluviais.
