A agrupación local do PSdeG alerta sobre o precario estado no que se atopan os servizos de emerxencia unha vez que o Grupo Municipal de Intervención Rápida (Grumir) quedou dende o pasado 24 de novembro con tan só tres efectivos e tendo en conta, ademáis, que a Xunta non rematou o parque de bombeiros. 'Hai que lembrar que o alcalde do Carballiño e o conselleiro da presidencia aseguraran na Mancomunidade de concellos que o servizo de Parque de Bombeiros estaría rematado este mesmo ano'.
Por ese motivo, 'esta agrupación lamenta a falta de compromiso por parte do Concello e Xunta que non teñen reparos en deixar sen servizo de seguridade ó Carballiño e prescinden do Grumir sen contar co parque de bombeiros xa funcionando'.
En consecuencia, os socialistas pregúntanse, 'que pasaría se acontecera un sinistro con certa gravedade e con necesidade de contar con persoal con preparación para solventar unha emerxencia'. Ademáis, 'cál é a responsabilidade tanto do alcalde do Carballiño como do presidente da Xunta no caso dunha eventualidade grave', sinalaron.
En consecuencia, os socialistas pregúntanse, 'que pasaría se acontecera un sinistro con certa gravedade e con necesidade de contar con persoal con preparación para solventar unha emerxencia'. Ademáis, 'cál é a responsabilidade tanto do alcalde do Carballiño como do presidente da Xunta no caso dunha eventualidade grave', sinalaron.