A asociación de pais de alumnos do colexio de Infantil e Primaria Pena Corneira de Carballeda de Avia procederon nestes día a colocar carteis e pancartas polo pobo protestando polo recorte de persoal docente que anunciou un inspector durante unha recente visita ó centro. Os pais tamén teñen prevista para mañá, polo mesmo motivo, unha concentración, a partires das 10:00 horas, na entrada do colexio.
'Alumnos, nais e pais acudirán disfrazados de ovellas, lobos e xestores da Consellería de Educación para denunciar que os nenos non son un rebaño á orde das políticas de recorte que está a acometer a Xunta na educación pública', indicou onte a directiva do centro. Para esta concentración anuncia que están convocados tamén os veciños de todo o municipio.
Os pais sinalan que dos sete profesores que actualmente dan clase 'se recortarán tres, co que o colexio quedará, o vindeiro curso, con só catro mestres para os 50 nenos matriculados en Infantil e Primaria'. A asociación asegura que a medida aplicarase igualmente noutros centros, polo que fan un chamamento ós pais para que protesten.
Os pais sinalan que dos sete profesores que actualmente dan clase 'se recortarán tres, co que o colexio quedará, o vindeiro curso, con só catro mestres para os 50 nenos matriculados en Infantil e Primaria'. A asociación asegura que a medida aplicarase igualmente noutros centros, polo que fan un chamamento ós pais para que protesten.