O grupo do BNG na Deputación insta mediante unha moción á convocatoria dunha xunta de portavoces co fin analizar as consecuencias que tivo para os sectores produtivos e as infraestruturas as choivas caídas durantes as últimas semanas, abordando as posíbeis solucións aos afectados e afectadas
Ante as consecuencias que tivo na provincia ourensana as fortes precipitacións dos últimos días, o grupo do BNG na Deputación solicitou hoxe, con carácter urxente, a reunión da xunta de portavoces para analizar a situación e tomar unha serie de medidas que palíen os danos ocasionados polas enchentes.
Dentro das propostas que se recollen nesta moción destaca o primeiro punto, no que os nacionalistas instan 'tanto a Xunta de Galiza como ao Goberno do Estado a Declaración da Comarca da Limia como Zona Catastrófica'.
Ademáis doutra serie de aspectos complementarios, o BNG recolle a necesidade da estimación das perdas para poder prantexar as diferentes axudas que recibirían os afectados -que se terían que inscribir nun censo creado a tal propósito-.
