O Grupo de Investigación da Comisaría Provincial de Ourense realizou as investigacións e xestións oportunas co fin de determinar a identidade do autor do feito.
Axentes da Policía Nacional da Comisaría Provincial de Ourense procederon á detención dunha muller por un suposto delito de falsedade documental por subtraer un bolso nun pub e usar documentación allea para tratar de retirar diñeiro dunha entidade bancaria.
Segundo informou a Policía, os feitos sucederon na madrugada día 17 do pasado mes de outubro, cando unha persoa que se atopaba nun pub da cidade foi vítima do furto do seu bolso que contiña documentación persoal, diñeiro e un móbil.
A persoa vítima do feito delituoso foi informada cinco días máis tarde, por parte do director da entidade bancaria da que é clienta, de que unha muller se presentara nunha sucursal da localidade de Ponte Candelas (Pontevedra) co seu DNI para retirar 300 euros da conta correspondente ao devandito documento.
Ao decatarse os empregados de que ese documento non era o da persoa que solicitaba a devandita operación non fixeron efectiva a mesma, segundo precisou a Policía.
O Grupo de Investigación da Comisaría Provincial de Ourense realizou as investigacións e xestións oportunas co fin de determinar a identidade do autor do feito.
Unha vez identificado, na mañá do luns procedeuse á detención por un delito de falsidade documental dunha muller de 37 anos de idade, veciña de Ourense, que ten cinco arrestos anteriores.
