A víctima, un varón de 43 anos, J.B.S., foi levado ao Hospital Cristal nunha ambulancia medicalizada
Un operario que realizaba medicións na fachada traseira dun edificio en Ourense resultou ferido tras precipitarse por un terraplén e tivo que ser rescatado por bombeiros na noite do martes.
Segundo a información facilitada polo 112, os feitos tiveron lugar sobre as 21,15 horas do martes ao caer por un desnivel sen acceso dende a vía pública, o que complicou os labores dos efectivos de rescate.
O operario estaba a realizar medicións na fachada traseira dun edificio situado na rúa Antonio Puga de Ourense cando se precipitou a un terraplén e tivo que ser rescatado por bombeiros.
A pesar do golpe, o traballador estaba perfectamente consciente, aínda que tiña dificultades para mover as pernas, segundo indicou o 112, que mobilizou a Urxencias Sanitarias e Policía Local e Nacional, ademais de Bombeiros de Ourense, que rescataron o operario sen que finalmente fose necesario empregar medios de excarceración.
O ferido, un varón duns 43 anos de idade, J.B.S., foi levado ao Hospital Cristal de Ourense nunha ambulancia medicalizada, segundo sinalaron fontes sanitarias.
