Manuel Baltar: "Hai que potenciar Manzaneda, na tempada de inverno como no resto do ano"

O presidente da Deputación de Ourense, Manuel Baltar, destacou, tralas reunións celebradas na estación de montaña de Cabeza de Manzaneda do Consello de Administración e da Xunta Xeral de Accionistas de Meisa (Manzaneda Estación de Inverno S.A.) a importancia de seguir traballando conxuntamente entre as administracións local, provincial e autonómica “na liña de potenciar aínda máis esta infraestrutura de turismo e ocio, tanto na tempada de inverno como no resto do ano”. Xunta de Galicia e Deputación terán igual representación no novo consello de administración de Meisa.